Өмнөговь аймгийн Цогтцэций сумын багш нартаа

Багш:                      Т.Даваасүрэн

Блогийн хаяг:          www.davkaaugovi.blogmn.net

Блогийн нэр:            Чи шүү! Чи л бүгдийг чадна.

Бичлэгийн ангилал: байхгүй

Холбоос:  байхгүй

Блогийн загвар, өнгө үзэмж сайн. Нийт 2 нийтлэл оруулсан. “Ээждээ төрсөн өдрийн мэнд хүргэе!” гарчгийн дор дууны бичлэг, мөн танилцуулгад багш зургаа оруулсан нь сайн байна.

Багшийн блогийн нэр нь “Сургалтын блог” гэж байх,  блог хөтлөхийн зорилго нь эцэг эх сурагчдад зайн сургалт явуулах, сурган хүмүүжүүлэх зөвлөгөө өгөхөд оршдог.

Оруулж буй  бичвэрийн ангилал хийх  хэрэгтэй. Бичвэрийн тоо нэмэгдэх тутам эцэг эх, сурагчид блогоос мэдээлэл авах нь хүндрэлтэй болдог тул ангилал хийснээр хайж буй мэдээллийн ангиллаа сонгоод байршуулсан нийтлэлийг уншихад хялбар байх болно.

Хэрэв багшийн сонгосон загвар нь бичлэгийн ангилалгүй бол ангилалтай загвар сонгох хэрэгтэй.

Сүүлийн бичлэгийг  2012.01.19-нд оруулсан байна. Иймд бие даалтын даалгавар, зайн сургалтын хичээл, ангидаа зохиогдож буй арга хэмжээг сурталчилсан фото зургаар баяжуулсан мэдээ мэдээлэл, ангийн тэргүүний сурагчдыг алдаршуулах мэдээлэл тогтмол байршуулах  хэрэгтэй байна.

Мөн шаардлагатай газар анхаарлын тэмдэг тавих /хүргэе!/, өгүүлбэр эхлэхэд том үсгээр бичих, хайхрамжгүй байдлаас дүрмийн алдаатай бичих /эзэгүйд/ зэрэгт цаашид анхаарахыг  зөвлөж байна.

Багшийн сургалтын блогт тавигдах шаардлага:

• Математик
  
• Монгол хэл
  
• Хүн орчин
  
• Хүн байгаль
  
• Дүрслэх урлаг
  
• Дуу хөгжим гэх мэтээр хичээл тус бүрээр ангилал үүсгэж, тухайн хичээлийн гэрийн даалгавар, бие даалтын даалгавар, зайн сургалтын хичээл байршуулж болно.

Дээр дурдсан ангиллаас гадна

• Эцэг эхчүүдэд сурган хүмүүжүүлэх зөвлөгөө
  
• Сурагчдад зөвлөгөө
  
• Мэдээ мэдээлэл
  
• Зар мэдээ гэх мэт ангилал үүсгэж

сургалтын болон хичээлээс гадуур зохион байгуулагдаж буй үйл ажиллагааг сурталчилсан  фото зургаар баяжуулсан мэдээ мэдээллийг тогтмол байршуулах нь багшийн сургалтын блогт зочлох эцэг эх, сурагчдын тоог нэмэгдүүлэх болно.

Мөн бага ангийн багш нар

-       Шүлэг

-       Дуу

-       Оньсого

-       Зүйр цэцэн үг

-       Сургамжит өгүүллэг

-     Уран зохиол гэх мэт ангилал оруулж, сурагчдын  хичээлээс гадуур заавал унших ёстой уран зохиол, цээжлэх шүлэг, дуу, оньсого, зүйр цэцэн үгийг байршуулж байх нь эцэг эх, сурагчдад тустай  юм.

Ангийн тэргүүний сурагчид, эсвэл манай ангийн бахархал гэсэн ангилал нээж, тэргүүний сурагчдынхаа фото зурагтай мэдээллийг байршуулах нь эцэг эхийн хүүхдээрээ бахархах сэтгэл, сурагчийн идэвх чармайлтыг нэмэгдүүлэх сайн талтай байдаг.

Жнь: Сурагч Д.Баатарцог нь ангийн монгол бичгийн аварга сурагч боллоо. Д.Баатарцогтоо баяр хүргэж, сурлагын өндөр амжилт хүсэн ерөөе!  гэсэн мэдээллийн хамт сурагчийн зураг, монгол бичгийн хичээлийн дэвтрийн зургийг байршуулж болно.

Сургалтын блог тогтмол хөтөлснөөр багш хөгжих, интернэтийн болон компьютерийн мэдлэг, чадвар дээшлэх, багшийн хөгжлийг дагаад эцэг, эх, сурагчдын интернэт ашиглах чадвар сайжрах, орон зай, цаг хугацаанаас үл хамаарч зайн сургалтад хамрагдах, сурган хүмүүжүүлэх зөвлөгөө авах ач холбогдолтой юм.

Төсөл хэрэгжиж буй сургуулиудын багш нарын дунд зарлагдсан “Шилдэг сургалтын блог” шалгаруулах уралдаанд амжилттай оролцоно гэдэгт итгэж байна.

Амжилт хүсье!!!

Зөвлөмж бичсэн: Төслийн зохицуулагч П.Энхмаа